На ден 22.10.2019 логопедот и психологот одржаа работилница со наслов “Јас го можам тоа“ кај децата од 5-6 годишна возраст во објект “Буба Мара“.
Целта на работилницата е децата низ интерактивни игри (ползење, протнување) да ја развиваат крупната и фина моторика.
Кај децата се поттикна концентрацијата и вниманието, спретноста и брзината. Во игрите децата се мотивираа во извршување на задачите, а воедно често пати низ играта си помагаа, и покажаа истрајност во извршувањето на задачите. Развија способност за соработка со друго дете и се гордееја со своите достигнувања.
Кај децата се развија и позитивни чувства и се поттикна интересот за самите игри.
Крупната моторика подразбира активирање на големата група мускули и овозможува движење на целото тело. Фина моторика ги опфаќа малите групи на мускули кои овозможуваат добра координација.
Развојот на фина моторика подоцна го олеснува совладувањето на вештините на пишување.
