Денес во нашата градинка, во објект Пчелка 2, како дел од планираните активности за проектот “Сакам да знам повеќе”, децата од сите возрасни групи ја пречекаа својата гостинка, балерината Елена од МБУЦ “Илија Николовски Луј”. Имаа можност да разговараат за балетот и со огромно задоволство, испишано на нивните детски лица, ја проследија балетската точка на младата Елена.
Целта на оваа посета беше децата да се запознаат со професијата “балерина”, да се развиваат нивните танцувачки способности и да се негува чувството на радост и задоволство кај децата.
